शासनामार्फत पुरविण्यात येणाऱ्या विविध सेवांची GPR (Governance Process Reengineering) प्रक्रिया पुर्नबांधणी या विषयाच्या अनुषंगाने महाराष्ट्र लोकसेवा हक्क अधिनियम, २०१५ अंतर्गत कामगार विभागामार्फत देण्यात येणारी महाराष्ट्र दुकाने व आस्थापना (नोकरीचे व सेवाशर्तीचे विनियमन) अधिनियम, २०१७ मधील आस्थापनांची नोंदणी व सूचना दिल्याची पावती या सेवा घेण्यात आलेल्या आहेत.
अधिक माहिती साठी पीडीएफ download करून घ्यावी.
२. त्याअनुषंगाने GPR (Governance Process Reengineering) अंतर्गत महाराष्ट्र दुकाने व आस्थापना (नोकरीचे व सेवाशर्तीचे विनियमन) अधिनियम, २०१७ या अधिनियमातील आस्थापना नोंदणी व सूचना दिल्याची पावती अर्जामधील माहिती कमी करणे, अर्जदाराकडून घेण्यात येणारी कागदपत्रे कमी करणे व नागरीकांना / अर्जदारांना सेवा अधिक सुलभपणे देता यावी, याकरीता महाराष्ट्र दुकाने व आस्थापना (नोकरीचे व सेवाशर्तीचे विनियमन) नियम, २०१८ मधील नियम ५ (२) मध्ये तसेच अर्जाचा नमुना-अ व नमुना-फ मध्ये तसेच परिशिष्टामधील भाग-अ व भाग-क मध्ये बदल करण्यात आला आहे.
अ) महाराष्ट्र दुकाने व आस्थापना (नोकरीचे व सेवाशर्तीचे विनियमन) अधिनियम, २०१७च्या कलम १६ (१) (ख) मध्ये आस्थापना आठवडयातील सर्व दिवस धंदा करण्यास खुल्या ठेवता येतील, मात्र तेथील प्रत्येक कर्मचा-यास आठवडयातून चोवीस तास सलग विश्रांती मिळेल, अशी साप्ताहिक सुटी देण्यात येईल, अशी तरतूद आहे. तसेच कलम २ (२) मध्ये “दिवस” याचा अर्थ, मध्यरात्रीपासून सुरु होणारा चोवीस तासांचा कालावधी, असा आहे, अशी व्याख्या आहे. त्यामुळे उपरोक्त कलम १६ (१) (ख) मधील तरतुदीस अधीन राहून मद्य पुरवठा/विक्री करणा-या आस्थापना वगळून इतर आस्थापना २४ तास सुरु ठेवता येतील.
अधिक माहिती साठी पीडीएफ download करून घ्यावी.
आ) तथापि, शासनाने दिनांक १९/१२/२०१७ रोजीच्या अधिसूचनेन्वये राज्यातील विविध क्षेत्रातील मद्य विक्री व मद्य पुरविणा-या आस्थापनांच्या उघडण्याच्या व बंद करण्याच्या वेळा निश्चित केलेल्या असल्यामुळे, अशा आस्थापना २४ तास सुरु ठेवता येणार नाहीत.
महाराष्ट्र दुकाने व आस्थापना (नोकरीचे व सेवाशर्तीचे विनियमन), अधिनियम, २०१७ च्या कलम ४ मध्ये शासनास या अधिनियमातील कोणत्याही आस्थापनेस किंवा कोणत्याही वर्गवारीतील आस्थापनांना किंवा कामगारांना किंवा व्यक्तींना कोणत्याही तरतूदीतून सूट देण्याचे अधिकार आहेत. उक्त अधिनियमाच्या उपरोक्त कलम ४ (१) च्या तरतूदीन्वये प्रदान करण्यात आलेल्या अधिकाराचा वापर करुन, या अधिनियमाच्या कलम ६ अन्वये नोंदित करण्यात येणा-या सर्व आस्थापनांना दहा वर्षांनी नोंदणी प्रमाणपत्राचे नुतनीकरण करण्याच्या तरतूदीतून सूट देण्यात येत आहे. त्यानुसार महाराष्ट्र दुकाने व आस्थापना (नोकरीचे व सेवाशर्तीचे विनियमन), अधिनियम, २०१७ अधिनियमाच्या कलम ६ अन्वये नोंदित सर्व आस्थापनांना नोंदणी प्रमाणपत्राचे नुतनीकरण करण्याची आवश्यकता यापुढे राहणार नाही.
अधिक माहिती साठी पीडीएफ download करून घ्यावी.
महाराष्ट्र दुकाने व आस्थापना अधिनियम (नोकरीचे व सेवाशर्तीचे विनियमन) अधिनियम, २०१७ च्या कलम ६(२) अन्वये अर्जदाराने नोंदणी दाखला घेण्याकरिता विहित नमुन्यात परिपूर्ण भरलेला अर्ज व महाराष्ट्र दुकाने व आस्थापना अधिनियम (नोकरीचे व सेवाशर्तीचे विनियमन) नियम, २०१८ मधील अनुसूचीमध्ये दर्शविलेल्या आवश्यक त्या कागदपत्रांसह परिपूर्ण अर्ज ऑनलाईन सादर केल्यानंतर व तो सुविधाकाराच्या डॅशबोर्डवर प्राप्त झालेल्या दिनांकापासून कार्यालयीन कामकाजाच्या एका दिवसात तो मंजूर करुन नोंदणी दाखल्याच्या नमुना “ब” मध्ये असलेल्या नोंदणी दाखल्यावर डिजिटल स्वाक्षरी करण्यात यावी. सुविधाकाराने आवश्यक ती कागदपत्र व
अधिक माहिती साठी पीडीएफ download करून घ्यावी.
परिपूर्ण असलेला नोंदणी दाखल्याचा अर्ज एका दिवसात निकाली काढावा. सदर अर्ज ऑनलाईन प्रणालीव्दारे स्वयं-घोषणापत्र व स्वयं साक्षांकित केलेल्या कागदपत्रांच्या आधारे देण्यात यावा. नोंदणी दाखला देण्यापूर्वी निरीक्षण करण्याची तरतूद अधिनियमात नाही. त्यामुळे दुकाने व आस्थापनेचा नोंदणी दाखला देण्यापूर्वी सुविधाकाराने सदर आस्थापनेचे निरीक्षण करण्याची आवश्यकता नाही.
