1.5K
सा.प्र.वि.च्या संदर्भाधीन परिपत्रकान्वये, मंत्रालयातील सर्व प्रशासकीय विभागातील अधिकारी/कर्मचारी यांची एका विभागातून दुसऱ्या विभागात तसेच विभागांतर्गत बदली होत असताना संबंधित अधिकारी व कर्मचारी यांचेसाठी " कार्यभार हस्तांतरण प्रमाणपत्र " व्यवस्था लागू करण्यात आली आहे. सामान्य प्रशासन विभागाच्या सदर परिपत्रकास अनुसरून विभागातील सर्व अधिकारी / कर्मचारी यांना कळविण्यात येते कि, अधिकारी / कर्मचारी यांनी बदली/पदोन्नती/प्रतिनियुक्ती या कारणास्तव विभागातून / कार्यासनातून कार्यमुक्त होताना सा.प्र.वि.च्या शासन परिपत्रकातील प्रपत्र-अ, ब, क, ड प्रमाणे कार्यभार हस्तांतरण प्रमाणपत्र सादर करणे बंधनकारक राहील.
सदर कार्यभार हस्तांतरण प्रमाणपत्र ५ प्रतीत सादर करावयाचे असून, प्रमाणपत्रावर पदमुक्त व पदमोचक दोन्ही अधिकारी/कर्मचारी यांच्या स्वाक्षरी असाव्यात. सदर प्रमाणपत्राची प्रत स्वतःकडे ठेवावी, संबंधित कार्यासनाच्या अभिलेखामध्ये जतन करावी. तसेच, प्रत्येकी एक प्रत आस्थापना शाखा व रोख शाखेस सादर करावी. पदमुक्त अधिकारी / कर्मचारी यांनी हस्तांतरण प्रमाणपत्राची पोच आस्थापना शाखेस दिल्याशिवाय रोख शाखेकडून त्यांचे अंतिम वेतन प्रमाणपत्र (LPC) दिले जाणार नाही अशी तरतूद सा.प्र.वि. दि.२५.०८.२०२२ च्या परिपत्रकात करण्यात आली असल्याची नोंद सर्व अधिकारी/ कर्मचारी यांनी घ्यावी.
अधिकारी/कर्मचारी यांनी उपरोक्त प्रमाणे कार्यभार हस्तांतरण प्रमाणपत्र सादर करण्याची कार्यवाही माहे सप्टेंबर, २०२२ पासून अंमलात येईल.
You Might Be Interested In
-
1.4K
-
2.3K
-
1.5K
-
506
-
1.1K
